Question

പതാക നിയമം, 2002 അനുസരിച്ച് താഴെ നൽകിയ പ്രസ്താവനകളിൽ ശരിയായത് തിരഞ്ഞെടുക്കുക:

1. യന്ത്രത്തിൽ നെയ്ത പതാക ഉപയോഗിക്കാം
2. പൊതുജനങ്ങൾക്ക് പൊതുസ്ഥലത്തും വീടുകളിലും ദേശീയ പതാക പകലും രാത്രിയും പറത്താവുന്നതാണ്
3. കോട്ടൻ, പോളിസ്റ്റർ, ഖാദി, സിൽക്ക് ഖാദി, കമ്പിളി തുടങ്ങിയവകൊണ്ട് പതാക നിർമിക്കാം
4. പതാക 15 അളവുകളിൽ നിർമിക്കാം

• A. 1, 4 ശരി
• B. 1, 2, 3 ശരി
• C. 2 മാത്രം ശരി
• D. 2, 4 ശരി

Answer 1

Answer:

B. 1, 2, 3 ശരി

• 2002ലെ പതാകനിയമത്തിലെ ചട്ടങ്ങള്‍ 2021 ഡിസംബര്‍ 30-ലെ ഉത്തരവിലൂടെ കേന്ദ്രസർക്കാർ ഭേദ​ഗതി ചെയ്തിരുന്നു.
• ഇതു പ്രകാരം, കൈ ഉപയോഗിച്ച് നെയ്‌തെടുത്തതോ യന്ത്രനിര്‍മിതമോ ആയ പതാകകള്‍ ഉയർത്താം.
• കൈത്തറി, കമ്പിളി, ഖാദി, പട്ട് എന്നിവ പോലെ തന്നെ പോളിസ്റ്റര്‍ തുണികളും പതാകകയ്ക്ക് ഉപയോഗിക്കാം.
• നേരത്തെ, കൈകൊണ്ട് നൂല്‍ക്കുന്ന ഖാദിത്തുണി ഉപയോഗിച്ചുമാത്രമേ ദേശീയപതാക നിര്‍മിക്കാന്‍ അനുമതി ഉണ്ടായിരുന്നുള്ളൂ.
• യന്ത്രനിര്‍മിതമോ പോളിസ്റ്ററില്‍ നിര്‍മിച്ചതോ ആയ പതാകകള്‍ ഉപയോ​ഗിക്കാൻ പാടില്ലായിരുന്നു.
• 2022 ജൂലൈ 19-ലെ ഉത്തരവ് പ്രകാരം, പൊതുസ്ഥലത്തോ വീടുകളിലോ ദേശീയപതാക പകലും രാത്രിയും തുടര്‍ച്ചയായി പ്രദര്‍ശിപ്പിക്കാം.
• നേരത്തെ സൂര്യോദയത്തിനും അസ്തമയത്തിനും ഇടയില്‍ മാത്രമേ പതാക ഉയര്‍ത്തി പ്രദര്‍ശിക്കാനാവുമായിരുന്നുള്ളൂ.
• 9 അളവുകളിൽ മാത്രമാണ് പതാക നിർമിക്കാൻ അനുമതിയുള്ളത്.