Question

കൂട്ടത്തിൽ ഒരാൾ കൊഴിഞ്ഞു വീഴുമ്പോൾ മറ്റുള്ളവയുടെ പ്രതികരണമെന്തായിരുന്നു ?

ഈ രാമണീയകസങ്കേതരംഗമാ-മാരാമം തന്നിലെപ്പൂക്കളെല്ലാം ഏകവർണ്ണം പൂണ്ടു പണ്ടുല്ലസിച്ചിത-സ്കോകമാ, മാമോദമോടുകൂടി. മല്ലിക, പിച്ചകമിത്യാദ്യഭിമാന-മില്ലായിരുന്നിതതിനൊന്നിനും. കാലത്തു കാറ്റൊരു പുഷ്പത്തെ വീഴ്ത്തുമ്പോൾ മാലുറ്റ മറ്റുള്ള പൂക്കളെല്ലാം ചാഞ്ഞ ശിരസ്സോടെനിന്നു തൂകാറുണ്ടു മഞ്ഞിൻകണങ്ങളിൽ ബാഷ്പബിന്ദു. മാമരച്ഛായയിൽ ജീവിതം പോക്കിയ തൂമലരൊക്കെയും വാസനയാൽ നാലുവശത്തുമെഴുന്ന മരുനിലം പോലും സുരഭിലമാക്കിവന്നു. ഭീമമമധ്യാഹ്നദിനകരരശ്മിയാ- ക്കോമളപ്പൂക്കളെ വാട്ടിയില്ല. അപ്പരിപാവനമായ സമയമാ- ണിപ്പൂവനത്തിൻ സുവർണ്ണകാലം. വർണ്യകുസുമങ്ങളൊക്കെപ്പല പല വർണ്ണങ്ങളായിച്ചമഞ്ഞു പിന്നെ. തന്നുടെ ജാതിയെ ചൊല്ലിയവയെല്ലാ മിന്നിളം കാറ്റത്തു തുള്ളിടുന്നു.

• A. അഭിമാനത്തോടെ ശിരസ്സുകുനിച്ചു
• B. മറ്റുള്ളവർക്ക് സുഗന്ധം പരത്തി
• C. ശിരസ്സുകുനിച്ച് കണ്ണീരൊഴുക്കി
• D. സന്തോഷത്തോടെ ഉല്ലസിച്ചു

Answer 1

Answer:

C. ശിരസ്സുകുനിച്ച് കണ്ണീരൊഴുക്കി

കവിതയുടെ ആദ്യഭാഗത്ത്, പൂക്കളുടെ പരസ്പര സ്നേഹവും ഐക്യവും വ്യക്തമാക്കുന്ന ഈ വരികൾ ശ്രദ്ധിക്കുക:

"കാലത്തു കാറ്റൊരു പുഷ്പത്തെ വീഴ്ത്തുമ്പോൾ മാലുറ്റ മറ്റുള്ള പൂക്കളെല്ലാം ചാഞ്ഞ ശിരസ്സോടെനിന്നു തൂകാറുണ്ടു മഞ്ഞിൻകണങ്ങളിൽ ബാഷ്പബിന്ദു."

ഇവിടെ 'മഞ്ഞിൻകണങ്ങളിൽ ബാഷ്പബിന്ദു തൂകുക' എന്നത് 'കണ്ണീരൊഴുക്കുക' എന്നതിനെയാണ് സൂചിപ്പിക്കുന്നത്. ഒരു പൂവ് കൊഴിഞ്ഞുവീണപ്പോൾ മറ്റു പൂക്കൾ ദുഃഖത്തോടെ തലകുനിച്ച് കണ്ണീരൊഴുക്കി എന്നാണ് കവി പറയുന്നത്.