താഴെ കൊടുത്തിരിക്കുന്നവയിൽ സലിംഗബഹുവചനമേത് ?
Aമിടുക്കർ
Bശൂദ്രർ
Cപുരുഷന്മാർ
Dഅധ്യാപകർ
Answer:
C. പുരുഷന്മാർ
Read Explanation:
വചനം - നാമം ഒന്നാണോ ഒന്നിലധികമാണോ എന്നു കാണിക്കാൻ നാമപദത്തിൽ വരുത്തുന്ന രൂപമാറ്റങ്ങൾ
ഏകവചനം - ശബ്ദത്തിന്റെ രൂപം ഒന്നിനെയാണു കുറിക്കുന്നതെങ്കിൽ അത് ഏകവചനം
ഉദാ : ദേവൻ ,സ്ത്രീ
ബഹുവചനം - ഒന്നിലധികമുണ്ടെന്നു കാണിക്കുന്നതിന് ഏകവചനരൂപങ്ങളോട് 'മാർ ' 'കൾ ' എന്നീ പ്രത്യയങ്ങൾ ചേർത്താൽ കിട്ടുന്ന വചനം
ഉദാ : ദേവന്മാർ ,സ്ത്രീകൾ
ബഹുവചനത്തെ സലിംഗം ,അലിംഗം ,പൂജകം എന്നിങ്ങനെ മൂന്നായി തിരിക്കുന്നു
സലിംഗബഹുവചനം - ലിംഗത്തോടുകൂടിയ ബഹുവചനം . സ്ത്രീപുരുഷ നപുംസകങ്ങളിൽ ഏതിന്റെയെങ്കിലും ഒന്നിന്റെ ബഹുത്വത്തെ കാണിക്കാൻ ഉപയോഗിക്കുന്നു
മാർ ,കൾ എന്നീ പ്രത്യയങ്ങൾ ഉപയോഗിക്കുന്നു
ഉദാ : പുരുഷന്മാർ ,ആൺകുട്ടികൾ ,ഗായികമാർ
പുരുഷന്മാർ സലിംഗ ബഹുവചനമാണ്. മിടുക്കർ, ശൂദ്രർ,അധ്യാപകർ ഇവർ സ്ത്രീയോ പുരുഷനോ ആകാം. അതിനാൽ അവയെല്ലാം അലിംഗബഹുവചനമാണ്.